Assalamu’alaikum
Wr. Wb.
Di lembur mah loba keneh nu
ngaranna munjung, ngipri, atawa pasugihan ka jurig teh. Aya nu ka jurig babi,
anjing, maung, monyet, tuyul, jeung sajabana. Abong budak keneh, tuyul mah
maling teh ka lembur, paling meunang ge saratus rebu. Coba geura malingna ka
bank, pasti meunang sakarung. Ti baheula asana teh sato nu dipake munjung teh
paling babi, anjing, maung, monyet, nu eta-eta keneh. Sato kitu mah masing
kaluar ti peuting ge babari katangen, da gede. Coba geura satona reungit,
sireum, atawa cucunguk pasti moal katangen.
Tapi sok ilikan geura, nu
ngaranna jurig pakeana saropan. Tara aya jurig nu ngan make lejing, lekbong
atawa kaos sangsang hungkul. Jeung lamun dipikir-pikir mah jurig teh palalinter.
Bisa bahasa naon wae. Sok geura, jurig nu aya di urang make Bahasa Sunda, nu
aya di Jawa make Bahasa Jawa, nu aya di Inggris make Bahasa Inggris. Meureun di
alam jurig ge aya kursus bahasa.
Kuring mah saumur-umur can
pernah manggih budak orok kasurupan. Boh langsung atawa dina tv ge tara aya. Da
meureun asup kanu awak budak orok mah sereg, kalahka rikes meureun jurigna ge.
Jeung tara aya oge jurig nu asup kanu awak sato. Sugan aya tulungan hayam
kuring gagarapakan wae kasurupan, tuh domba kuring kasurupan jurig buta da
madangna rampus. Tara aya nu kitu.
Baheula di kuring aya ma
kolot kasurupan, dibabacaan nanaon ge teu panaseun. Si horeng nu asupna jurig
conge. Aya deui eta mah tim pemburu hantu. Pak pik pek meunang jurig,
diasupkeun kanu botol, teu lila jurigna ngajerit panas-panasan, padahal mah can
dibabacaan nanaon. Ngahuleng tah kiaina. Ari seug teh pas diilikan, si horeng
botolna urut saos.
Assalamu’alaikum Wr. Wb.
No comments:
Post a Comment